Turismo Viveiro

A Ruta da Artesanía por Viveiro permítenos coñecer o presente, o pasado e o futuro da nosa historia. Esta ruta pretende levar aos turistas por Viveiro para que a través dos produtos artesáns locais poidan gozar dunha serie de experiencias únicas, baseadas na cultura, recursos e tradicións desta vila e da súa xente.

 

Ademais de gozar da beleza do concello de Viveiro, o verdadeiro encanto desta ruta está nos obradoiros dos nosos artesáns, creando un patrimonio turístico único.  Poderemos coñecer a artesanía centenaria, descubrir produtos únicos, participar co artesán e poder participar na creación da nosa peza única, todo iso permite que o turista teña unha experiencia fermosa e particular.